ئەڤرۆ بهایێ نەفتێ د بازارێن جیهانێدا بەرەڤ بلندبوونێ چوویە و بهایێ هەر بەرمیلەکا نەفتا برێنت ب ٥٥ دۆلار و٨٧ سەنتایە.

  هەروەسا بهایێ بەرمیلەکا نەفتا خاڤا ئەمریکی ژی د بازارێن جیهانی دا ب٤٦  دۆلار و ٦٦ێ سەنتایە.

ئەڤ ئێک ژی د دەمەکێ دایە کو د دەمێ بووری دا و پشتی رێکەفتنا وەلاتێن ئۆپێک بۆ کێمکرنا بەرهەمئانینا نەفتێ، بهایێ نەفتێ ب جۆرەکێ بلندبوو کو بهایێ هەر بەرمیلەکا نەفتا برێنت گەهشتبوو ٥٨ دۆلاران.

رێکەفتننامەیا کێمکرنا ئاستێ بەرهەمئانینا نەفتێ ژلایێ وەلاتێن ئەندام ڤە د رێکخراوا ئۆپێک دا ل تشرینا دوویەم یا سالا ٢٠١٦ێ هات ئەنجامدان، کو د ناڤەراستا ئیسال دا دەمێ جیبجیکرنا رێکەفتننامەیێ بۆ ماوێ ٩ مەهێن دی هاتە درێژکرن.

لگور ئامارێن ئاژانسا وەزەیا نێڤدەوڵەتی، خواستا جیهانێ لسەر نەفتێ د سالا ٢٠١٧ێدا تێکڕایێ ڕۆژێ ٩٨.٨٤ ملیۆن بەرمیل بوونە، لێ پێشبینی دهێتە کرن ل سالا ٢٠١٨ دا ئەو خواستە بۆ ٩٩.٢٧ ملیۆن بەرمیلان بلند ببیت.

About The Author