سوپاسنامه‌
ب ناڤێ نوێنه‌رێ مه‌كته‌با سیاسییا یه‌كێتى نیشتمانى كوردستان و ب ناڤێ به‌رپرس و جێگر و كارگێرو ئه‌ندامێن هه‌رسێ مه‌لبه‌ندێن :(4) ێ رێكخستنا دهۆك و (7) رێكخستنا نه‌ینه‌وا و(15) یێ رێكخستنا شنگال و ته‌ڤ كادر و ئه‌ندام و دۆست و لایه‌نگرێن (ى.ن.ك) ل سنوورێ هه‌رسێ مه‌ڵبه‌ندان, رێز و سوپاسیێن خۆ ئاراسته‌ى ئێك ئێكه‌ خه‌لكێ ب روومه‌تێ پارێزگه‌ها دهۆك و موسل دكه‌ین, ژ ریهسپى و پیاو وماقوول و كه‌سایه‌تیێن جڤاكى و پیاوێن ئایینى و كه‌س و كارێن شه‌هیدێن سه‌ربلند و پێشمه‌رگیًن قه‌هره‌مان, مامۆستا و مامۆستایێن زانكۆیێ و كه‌سایه‌تیێن ئه‌كادیمى , قوتابى و خویندكاران, پیشه‌ساز و بازرگانان, جۆتیار و كرێكار و كاسپكاران, نڤێسكار و ره‌وشه‌نبیران و ته‌ڤایا ته‌خ و چین و توێژ و نه‌ته‌وه‌ ئایین و ئایینزانێن هه‌ردوو پارێزگه‌ها , ژبۆ سه‌ره‌دانا وان یا به‌رده‌وام بۆ باره‌گایێن مه‌لبه‌ندان ژ بۆ دیاركرنا دلگرانیا خۆ بۆ وه‌غه‌را سه‌رۆك مام جه‌لال و پشكداریا وان یا كارا دتازییا وى دا.
سوپاسییه‌كه‌ تایبه‌ت ئاراسته‌ى به‌رێز (سیداد بارزانى) نوینه‌رێ سه‌رۆكێ هه‌رێما كوردستانێ و شاندێ مه‌كته‌با سیاسیا پارتى دیموكراتى كوردستان، دكه‌ین ژبۆ پشكدارى و ئاماده‌بوون ل رێ وره‌سمێن تازیێ، هه‌روه‌سا رێزو سوپاسیێن ئاراسته‌ى لقێن: (1) یا دهوك و (8) یا زاخۆ , (20) یا شێخان و (18) یا ئامیدیێ و (14) یا موسل یێن پارتى دیموكراتى كوردستان و ته‌ڤ ناوچه‌ و رێكخراوێن پارتى، دكه‌ین. هه‌روه‌سان رێز و سوپاسییا ئاراسته‌ى مه‌كته‌با سیاسى و مه‌لبه‌ندێ دهۆك یێ یه‌كگرتوى ئیسلامى كوردستان، دكه‌ین ، ژبۆ پشكدارییا وان یا كارا دتازییا سه‌رۆك مام جه‌لال دا.
سوپاسیێن بێ پایان ئاراسته‌ى به‌رێز پارێزگارێ دهۆك و كارگێریا پارێزگه‌ها دهوك دكه‌ین ژ بۆ پشكداریى و هاوكارى و هاریكارى یا وان دگه‌ل مه‌دا ژبۆ ڤان رێً و ره‌سمان.
هه‌روه‌سا رێز و سوپاسیێن خۆ ئاراسته‌ى یه‌كه‌یێن ئیدارى حیزبى یێن قه‌زا و ناحیێن پارێزگه‌هێ دكه‌ین ژبۆ هاوكارى و هاریكارى دگه‌ل كۆمیتێن مه‌دا پشكدارییا وان درێ و ره‌سمێن سه‌رۆك مام جه‌لال دا.
خودێ خێرا هه‌موو لایه‌نه‌كى بنفێسیت، ئه‌م هه‌موو دوعاچینه‌ جه‌وا مام جه‌لال دژیانا خوه‌دا هێڤێًن و سومبولا پێكڤه‌ ژیان و تفاق و ته‌بایا ملله‌تێ كورد بوو هۆسا وه‌غه‌را وى ژى وه‌غه‌را خێرێ بیتت ببیته‌ مایێ ئێكرێزییا ناڤمالا كوردى ژ بۆ به‌رسینكگرتنا گه‌ف و هه‌ڕه‌شه‌یێن سه‌ر ملله‌تێ مه‌یێ كورد، ژ خودێ مه‌زن ژى دخوازین سه‌برو هه‌دارێ بده‌ته‌ خانه‌واده‌ و كه‌س و كارێن سه‌رۆك مام جه‌لال و هه‌موو یملله‌تێ كورد كو ب راستى وه‌غه‌را وى دڤێ قوناغا هه‌ستیاردا زیانه‌كا مه‌زن بو نه‌ك ته‌نێ بۆ (ى.ن.ك) به‌لكو ته‌ڤ میلله‌تێ كورد . دوعاچینه‌ ژ خودێ گیانێ پاك و پێرۆزى مام جه‌لال ژى ب به‌هشتا خو یا به‌رین شاد بكه‌ت

مه‌لبه‌ندى (4) رێكخستنا دهوك 9l10l2017

About The Author