pentagon

پەیڤدارێ وەزارەتا بەرەڤانیا ئەمریکا ( پێنتاگون) ئاشکرا دکەت، ھێزێن عیراقێ و پێشمەرگە ب تنێ چەند کیلومەترەکان ژ باژێرێ مووسل دویر و ھندی دەم دچیت نێزیک تر دبن، ددەمەکی دا داعش بەرەف لاوازیێ دچیت و ب ئەگەرێ ھێرشێن ئەسمانی ھەتا نوکە داعش سەدا ٦٠ ژ داھاتێ نەفتێ ژ دەست دایە.
کاپتن جیف دەیڤس پەیڤدارێ وەزارەتا بەرەڤانیا ئەمریکا تەئکید ژی کر کو ھێزێن عیراقی و پێشمەرگە نێزیکێ ٥ میلان ژ سنورێ مووسل دویرن و دنوکە دا باژێرک و گوندێن باکوور و روژھەلات و باشوورێ مووسل ژ تیرورستێن داعش ھاتینە پاقژکرن.
ھەروەسا ناڤبری گوتی ژی : پتری ٥٠٠ ھێرشێن ئەسمانی مە کرینە سەر بیرێن نەفتێ یێن ژێر دەستێن داعش دا و ب ئەگەرێ بوردومانێ داعش ٦٠ ژ سەدێ داھاتێ وان بیرێن نەفتێ ژ دەستیداینە.

About The Author