Russian_Flag_2050

روژناما ( ئیزفیستیا) ئاشکرا کریە کو حکومەتا عیراقێ داخاز ژ وەزارەتا بەرەڤانیا روسیا کریە زانیاریێن ھەوالگیری دەربارێ چەکدارێن داعش دناڤا مووسل دا پێ بدەن و روسیا ژی بەرھەڤیا خو بو وێ داخازیێ نیشاندایە.
ھەڤدەم لدیف زانیاریێن وێ روژنامێ، چەند پلەدارەکێن سەربازی یێن عیراقێ داخاز ژ مووسکو کریە زانیاریان بدەنێ دەربارێ وان چەکدارێن داعش کو دەست ب سەر مووسل و دەوروبەرێن وێ دا گرتیە.
ھەر دەربارێ وێ ئێکێ (قوستانتین کوساچوڤ) سەروکێ لێژنا پەیوەندیێن دەرڤە د جڤاتا فیدرالا روسیا راگەھاند : ولاتێ وان بەرھەڤ نیشاندایە بو داخازیا عیراقێ، ب تایبەتی کو روسیا زانیاری ھەنە دەربارێ وان تیرورستان کو ژ باژێرێ مووسل بەرەف سوریا درەڤن.
ھەروەسا وی ژێدەری ئاماژە ب وێ ژی کر کو گەلەک چەکدارێن داعش دناڤبەرا سوریا و عیراقێ دا ھاتن و چوونێ دکەن و روسیا ژی زانیاریێن گرنگ ھەنە دەربارێ لڤینێن وان چەکداران ئەو ژی ھاریکاریەکا باش دگەھینیتە عیراقێ دەربارێ دەستکەفتنا زانیاریان ل سەر ژمارە و پێگەھێن تیرورستێن داعش دناڤا مووسل دا.

About The Author