qubad talabani

ل باژێرێ سلێمانیێ ، چوارەم کۆنگرێ بەرھەمھێنەرێن چیمەنتوی ل ھۆلا ئوتێل گراند میلینیویم برێڤەچوو ، کو خودانێن کارگەھێن چیمەنتوی ل عیراقێ تێدا پشکداربوون .

ئارمانج ل برێڤەچوونا کۆنگرەی رێگرتنە ل ئینانا چیمەنتوی ل دەرڤەی وەڵاتی و گرنگی دان ب بەرھەمئینانا چیمەنتۆیێ نافخۆ . ل دەستپێکا کۆنگرەی ، فارۆق مەلا مستەفا ، سەرۆکێ گروپێ جڤاتا کۆمپانیێن فارۆق گوتارەک پێشکێش کر و ئاستەنگێن ھەمبەر بەرەڤ پێشچوونا وەبەرھێنانێ و بازرگانییا چیمەنتوی بەرچاڤ کرن .

ئاشکرا ژی کر: ل ساڵا ٢٠١٤ێ ئاستێ بەرھەمئینانا ڕاستەقینە یا چیمەنتوی ١٤ ملیون تەن بوویە . بەلێ ل ساڵا ٢٠١٦ێ گەھشتیە ٢١ ملیون تەنان .

فارۆق مەلا مستەا ئاماژە ب وێ چەندێ ژی کر: ل چەند سالێن بووری پیشەسازییا چیمەنتوی گەلەک ب باشی خزمەت وەڵاتێ مە گەھاندیە ، ب تایبەتی کەرتێ پیشەسازی .

ب ئاوایەکی گەلەک چاڵاک بوو د ئاڤاکرنا شیانێن نوی و گەشەکرنا شیانان . گووت ژی: نتھا ھەمی کارگەھێن مە ساڵانە شیانێن دابینکرنا نێزیکی ٧ ملیون تەنێن چیمەنتوی ھەنە .

ھەر د وی کۆنگرەی دا قوباد تاڵەبانی ، جێگرێ سەرۆکێ حکومەتا ھەرێمێ گوتارەک پێشکێش کر و گووت: ئەنجامدانا ڤی کۆنگرەی ، بەڵگەیە لسەر بقەردەوامیا گەشەیا ئابووری و ڕوی ب ڕوی بوونا رێگریان بۆ رزگاربوون ژ وان ئاریشێن پێڤە دناڵینین .

د ھەمان دەمـدا ئەنجامـدانا کۆنفرانسی درێژکرنا دەستێ ھاریکاریێ یە بۆ گەشەکرنا کەرتێ تایبەت ، کو حکومەتا ھەرێما کوردستانێ کار دکەت ژپێخەمەت ڤەژاندنا کەرتێ تایبەت .

About The Author