hayder-abadi

سەرۆک وەزیرانێ عێراقێ د بەرسڤا گۆتنێن سەرۆک کۆمارێ تورکیا دا  کو ب نێرینا وى هندەک جهـ ل عێراقێ د بەرێ دا سەر ب تورکیا بوون راگەهاند، سەردەمەکى تورکیا بەشەک بوو ژ حکومەتا بەغدا.

بەرێ ژى رەجەب تەیب ئەردۆغان گۆتبوو “حه‌تا سەدێ بیستەم موسل و کەرکوک و هندەک بەشێن دى تر ل عێراقێ سەر ب ئیمپراتۆریەتا عوسمانیان بوون”.

تەلەڤزیۆنا ئەلعێراقییە دوهى ٢٦ێ تشرینا ئێکەم بەلاڤکریە د بەرسڤ دا حەیدەر عەبادى، سەرۆک وەزیرێن عێراقێ راگەهاندییە “ئەوا کو ئەردۆغان دبێژیت کو کەرکوک و موسل سەر ب تورکیا بوون مە ناگەهینیتە چ جهان، ئەم ژى دشێین بێژین کو سەردەمەکى ل بەغدا خەلافەتا عەباسى هەبوو و هەمى تورکیا سەر ب وێ خەلافەتێ بوو”.

عەبادى ئەو چەند ژى راگەهاند “ئەڤێت هەنێ یێن د دیرۆکێ دا هەین، بەلێ ئەوا جهێ حێبەتییێ یە ئەوە تنێ بەشەکى یان ژى دوو بەشان ژ ڤێ ئاخێ  بینیە بیرا خەلکى و تو وەسا ببینى  دڤێت تە پشک تێدا هەبیت”.

سەرۆک وەزیرانێ عێراقێ گۆت ژى “عێراق رێیێ نادەت حکومڕانیا کێم تێدا بیت و بەشەک ژ وەلاتێ وى بهێتە داگیرکرن، لەوما مە پێ باشە مە پەیوەندییا دۆستانە هەبیت و تشتەکێ نەیێ باشە بگەهینە پەڤچوونا سەربازى”.

هەبوونا بنگەهێن سەربازى یێن تورکیا ل دەڤەرا باشیکا ١٢ کیلۆمەترییا موسل، گرژى ئێخستە ناڤبەرا تورکیا و عێراقێ، تورکیا دبێژیت بۆ هندێ هاتییە راهێنانێن سەربازى ب هێزێن پێشمەرگە و هێزێن عەشیرێن سوننە بکەت.

About The Author