d-najmadin-kerim

پشتی سەرەدانا سەروکێ جڤاتا نوینەرێن عیراقێ بو باژێرێ کەرکوکێ دگەل پارێزگارێ کەرکوکێ کونگرەیەکێ روژنامەڤانی ئەنجامدا.
دوی کونگرەیێ روژنامەڤانی دا د. نەجمەددین کەریم پارێزگارێ کەرکوکێ راگەھاند : مە دڤێت پتر ھاریکاریا ئاواران بکەین و جھێ ئاکنجیبووینێ و ژیان و ژیارا وان باشتر بکەین ھەتا پشت راست ببین کو پاراستی دبین، و دڤێت ئەو ژی رەوشا پارێزگەھێ بەرچاڤ وەربگرن.
ھەروەسا گوتی ژی : دنوکە دا نێزیکێ نیڤ ملیون ئاواران ل سنورێ پارێزگەھا کەرکوکێ ئاکنجیبووینە، لەورا کار بو ڤەگەراندنا وان ئاواران دکەین کو دەڤەرێن وان ژ تیرورستێن داعش ھاتینە رزگارکرن، دگەل وێ ژی دا نین چ کەسەک ب زوری بھێتە ھنارتن بو جھێن وان.
ھەروەسا نەجمەددین کەریم داخاز ژی کر کو ب لەزترین دەم ھەلبژارتن ل کەرکوکێ بھێنە ئەنجامدان.
ھەر دوی کونگرەیێ روژنامەڤانی دا سەلیم جبوری سەروکێ جڤاتا نوینەرێن عیراقێ راگەھاند : مە دڤێت پتر ھاریکاریا کەرکوکێ بکەین، ب راستی ژی دەستخوشیێ ل ھەمی پێکھاتێن کەرکوکێ دکەین کو شیاینە ئێکگرتوبن و روی ب رویبێ تیرورستێن داعش ببن، ھەروەسا دەستخوشی ل پارێزگاری و جڤاتا پارێزگەھا کەرکوکێ ژی دکەین کو شیاینە ڤێ پێلا ئاواران ب خوڤە بگرن.

About The Author