دگەل نێزیکبوونا دەستپێکرنا ئوپەراسیونا رزگارکرنا مووسڵ ، پەرلەمانتارەکا دەولەتا یاسا زانیاریێن مەترسیدار دەربارێ ھێزا تورکیا ل باشیک و چەکدارێن تیرۆریستێن داعش ئاشکرا دکەت و ڕادگەھینیت: دوو ھـزار ئەفسەرێن تورک دناڤ مووسڵ دانە و تورکیا د بزاڤا رزگارکرنا وان دایە . فیردەوس عەوادی ، ئەنداما دەولەتا یاسا ل جڤاتا نوێنەرێن عیراقێ ڕاگەھاندیە: لەشەکرێ تورکیا زێدەتر ژ دوو ھـزار ئەفسەر دناڤ موسڵ دا ھەنە ، کو ھەمی سەر ب میتا تورکی نە و ئەندامێن داعشن ل موسڵ . دەربارێ وێ ھێزا لەشکەرێ تورکیا کو ل سنورێ باشیک ھاتیە بنەجھکرن عەوادی گووت: مەرەما تورکیا ل نێزیکبوونا موسڵ بۆ وێ چەندێ یە کو ئەو ھێزێن ڕاستەوخۆ ل ناڤ داعش پەیوەندی ب تورکیا ڤە ھەیە ، نەکەڤنە دەستێ پێشمەرگەی و لەشکەر عیراقێ ، داکو پەیوەندییا وان دگەل وێ رێکخراوا تیرۆریستی ئاشکرا نەبیت و بەری ھەمی ھێزان ئەو بخۆ دەرباز بکەن ، کو ژلایێ دەزگەھێ ھەواڵگیریا تورکیا ، ئانکۆ (میتێ)ڤە مەشق و ڕاھێنان پێ ھاتیە کرن ، عەوادی گووت ژی: ژبلی تورکیا ، سعودیە و قەتەر و ھژمارەکا وەڵاتێن دی یێن کەنداڤی پشتەڤانیا داعش کریە ل ناڤ مووسڵ.

firdews

About The Author