hayder_abadi

سەرۆک وەزیرێن عێراقێ راگەھاند ل بەرۆکێن شەرێ دژی داعش ،بتنێ ھێزێن عێراقی دێ شەری کەن و چ جۆرە ھێزەکا بیانی ژی د ناڤ ئاخا عێراقێ دا نینە بۆ شەرێ بەرھنگاربوونا تێرۆرێ.

گوت ھێزێن تورکیا سەروەریا ئاخا عێراقێ بن پێکریە و رێگێ نادەینێ پشکداریا شەرێ رزگار کرنا باژێرێ موسل بکەن .عەبادی گوت ژی بیاڤی نادەنە حکومەت و ھێزێن تورکیا ،د چ جۆرە ئۆپەراسیۆنێ یان پلانەکا سەربازیدا ل عێراقێ پشکدار بن ،چونکی تورکیا کاری بۆ ھاریکاریکرنا عێراقێ ناکەت بەلکۆ ئارمانجەکا دی ھەیە .

حەیدەر عەبادی کو ھەڤدەم فەرماندێ گشتی یێ ھێزێن چەکدارێن عێراقێیە ،د پەیامەکا تەلەفزیونیدا بەحسا وێ چەندێ کر ھێزێن ھەڤپەیمانەتیا نێڤ دەولەتی لسەر داخازا حکومەتا بەغدا ھاتینە ھنارتن بۆ عێراقێ و ئەرکێ وانا ژی بتنێ شیرەت و راھێنانە ب ھێزێن ئەمنی یێن عێراقێ .

سەرۆک وەزیرێن عێراقێ گوت ژبەر کۆ داعش سنورەکی دیار کری نینە و داڤ دوزیێ دکەتە ناڤ ئاخا عێراقێ ،لەروا پێدڤی ب ھاریکاریا نێڤ دەولەتی ھەیە و ھەڤپەیمان ب رێیا ئەسمانی پشتەڤانیا باش ل ھێزێن عێراقێ و سنورێن وێ دکەن.

About The Author