ھیلاری کلینتون دبێژیت : مافێ کوردێن ڕۆژئاڤایێ کوردستانێ یە چەک ھەبیت و بەرەڤانیێ ژخو بکەن و پێنگاڤان بۆ رزگارکرنا رەققە ژی بلەزتر بکەن . دبەرامبەر دا نفیسەرەکێ ناڤدار ژی رەخنێ ل ئیدارا نھا یا واشنتون دگریت و دبێژیت : پڕچەککرنا یەپەگە دجھێ خودایە ، چونکی تورکیا پێنج گروپێن تیرورستی ل سوریا پڕچەک دکەت .ھیلاری کلینتون کاندیدا دیموکراتان بۆ ھەلبژارتنێن سەروکاتیا ئەمریکا ، پشتەڤانی و پڕچەککرنا یەکینەیێن پاراستنا گەل یەپەگە ب کارەکێ گرنک وەسف دکەت و ئاماژە ب ھەڤکاریکرنا پێشمەرگێ کوردستانێ دکەت و دبێژیت : پڕچەککرنا کوردان ل بەرچاڤ وەردگرم ، چونکی کورد باشترین شەرکەرێن دژی داعش بوون ل عیراق و سوریا، ل بەرامبەر ڤان ئاخڤتنێن ھیلاری ، مایکل روبن نفیسەرو رەخنەگرێ ناڤدارێ ئەمریکی پشتەڤانیا خو یا تەمام بۆ ھەڤکاریکرنا ھێزێن کوردی ل عیراق و سوریا نیشانددەت ، حکومەتا ئەنقەرە ژی ب ھەڤکاریکرنا پێنج گروپێن تیرورستی ل سوریا توھمەتباردکەت .وی نفیسەرێ ئەمریکی گووت ژی : حکومەتا ئەردوغانی پیسترین گروپ و رێکخراوێن تیرورستی ب تایبەت ژی ( داعش ، بەرەیێ نوسرە ، حەماس ، قاعیدە ل مەغرب و بوکو حەرام ل ئەفریقیا ) پرچەک دکەت .

hillary-clinton_3

About The Author