حکومەتا عیراقێ قەدەغەکرنا ئینانا کەل و پەلێن تورکی دکەتە مەرجێ رێککەفتنا دگەل حکومەتا ھەرێمێ ل سەر دوسەیا نەفتێ و ژێدەرەک ژی رادگەھینیت : ئەڤ پێشنیارە د چارچووڤێ دروستکرنا فشارا ئابووری ل سەر حکومەتا ئەنقەرە دھێت.
ھەڤدەم لدیف زانیاریان، جودا ژ مەرجێ رادەستکرنا داھاتێ نەفتێ بو بەغدا، حکومەتا عیراقێ قەدەغەکرنا ئینانا کەل و پەلێن تورکیا دکەتە مەرجێ رێککەفتنا دگەل ھەولێرێ، ئەڤە ژی دگەل نێزیکبوونا دناڤبەرا ھەولێرێ و بەغدا بو چارەسەرکرنا دوسەیا نەفتێ و بودجەی دھێت.
ھەر لدیف وان زانیاریان، کو ژێدەرەکێ بلندێ حکومەتا عیراقێ ئاشکرا کری: حەیدەر عەبادی سەروک وەزیرێن عیراقێ، گەنگەشا پێشنیارێکێ بو قەدەغەکرنا کەل و پەلێن تورکی دکەت و ئەڤ پێشنیارە د چارچووڤێ دروستکرنا فشارا ئابوور ل سەر حکومەتا ئەنقەرە دھێت.
ھەر لدیف چەند ئامارەکان، ولاتێ عیراقێ ب ئێک ژ پێنچ سەرەکترین ئەو ولاتە دھێت، کو ژ رویێ کەل و پەلان و جلو بەرگان و خارنێ پشت ب ئینانا بەرھەمێن تورکی دگرێدەت.
ھەروەسا وی ژێدەری راگەھاند ژی : دچارچووڤێ گەنگەشەکرنا پێشنیارا قەدەغەکرنا کەل و پەلێن تورکی، حەیدەر عەبادی گەنگەشەیا چەوانیا مەرجکرۆنا ڤێ پێشنیارێ د رێککەفتنا دگەل حکومەتا ھەرێمێ دکەت، چونکە وەکو ئەو ژێدەرە ئاماژێ پێددەت ئەگەر حکومەتا ھەرێمێ پاپەند نەبیت، جێبەجێکرنا وێ بریارێ ب ئارمانجا خو ناگەھیت.
ھەروەسا وی ژێدەری ئەڤ چەندە ژی نە ڤەشارت کو پێشبینی دھێتە کرن، حەیدەر عەبادی قەدەغەکرنا کەل و پەلێن تورکی بکەتە مەرجەکێ دی ھەڤشێوەیێ مەرجێ ڤەگەراندنا داھاتێ نەفتێ ل بەرامبەر رەوانەکرنا بودجەیێ ھەرێمێ.

iraq-and-kurdistan-flags

About The Author