germany flag

وەزیرێ نافخۆ یا ئەڵمانیا ڕاگەھاند: ل دەستپێکا ئەڤساڵە وەرە ھەتا نـھا ناڤێ ٢١٣ ھـزار پەنابەران کو قەستا وی وەڵاتی کرینە تۆمارکرینە . تۆماس دو مایزیر ، وەزیرێ نافخۆیێ ئەڵمانیا گووت: ل نەھـ ھەیڤێن دەستپیپَکا ئەڤ ساڵە ژ وێ ھژمارا پەنابەرێن کو قەستا ئەڵمانیا کرینە ، ٢١٣ ھـزار پەنابەران ناڤێن وان تۆمار کرینە . ئاماژە ب وێ چەندێ ژی کر: تۆمار کرنا وێ ھژمارێ ب ھەڤبەر کرن ب وێ پێلا کۆچبەران کو ساڵا بووری قەستا ئەڵمانیا کرینە ، کێمتر بووینە . ھەروەسا ڕاگەھاند ژی: بەرپرسێن ئەڵمانیا ھەتا نـھا نێزیکی ٤٦٠ ھـزار کەیسێن پەنابەران ئێکلایی کرینە ، کو ھندەک ژ وان ڤەدگەرن بۆ ساڵا ٢٠١٥ێ ، و ٦٠%ێ یا وان پەنابەران کەیسا وان قەبول کریە و رێکا مانێ ب وان ھاتیە دان . وەرگرتنا کۆچبەران ژلایێ ئەڵمانیا ڤە کارڤەدانێن جودا جودا لدویڤ خۆ ئیناینە ، ل دوماھیک ھەلبژارتنێن نافخۆ یێن ئەڵمانیا حزبا ئەنجێلا مێرکڵ ، شیرەتکارا ئەڵمانیا ژبەر سیاسەتا پشتەڤانیکرن ل وەرگرتنا کۆچبەران ، ھژمارەکا زۆر یا دەنگێن خۆ کێم کرینە .

About The Author