ل دەمێ برێڤەبرنا کونگرەیەکێ رۆژنامەڤانی بۆ تارا حسێن پەیڤدارا تەڤگەرا ئازادی , ئاسایشا پارتی ھێرش کرە سەر وی کونگرێ رۆژنامەڤانی و رۆژنامەڤان دویر ئێخستن و ڤەکولین دگەل پەیڤدارا تەڤگەرا ئازادی کر .
بەری تەمام بوونا کونگرێ رۆژنامەڤانیێ تارا حسێن پەیڤدارا تەڤگەرا ئازادی کو تایبەت بوو ل سەر ھەڵویستێ وان دەبارێ لەشکەرکێشیا تورکیا و ئۆپەراسیۆنا موسڵ و بەرسڤا پرۆژێ ھەدەپە , ب ھێجەتا نەبوونا موھلەتێ ھەوڵ ھاتە دان ئەو کونگرە بھێتە راگرتن و تارا حسێن چەند خولەکەکان بۆ ڤەکولینێ ھاتە دەستەسەرکرن .
د داخویانیەکا رۆژنامەڤانی ژی دا تارا حسێن راگەھاند : مە ناڤێ خۆ ل ئوتێلا چوارچرا تومارکر داکو وی کونگرێ رۆژنامەڤانی ئەنجام بدەین , لێ وانا گوت ھەوە موھلەت نینە و دڤێت ل دەرڤە وی کونگرەی بکەن ,ل دەمەکێ بەری ھینگێ رێک ب مە ھاتیە دان ژلایێ ئیدارا وێ ئوتێلێ ڤە کو وی کونگرەی برێڤە ببەین , بەلێ ھەژمارەکا چەکدارێن ئاسایشێ ھاتن و رۆژنامەڤان دویر ئێخستن و کامیرە ڤەمراندن و گازی من ژی کرن بۆ ئیدارا وێ ئۆتێلێ بۆ ڤەکولینێ .
ئەڤ ھێرشا ئاسایشا پارتی بۆ سەر وی کونگرێ رۆژنامەڤانی ل دەمەکێ بوو کو پتریا کەناڵێن باشورێ کوردستانێ ئەو کونگرەیە ب ئاوایەکی راستەخۆ ڤەدگوھاستن .

tevgera-azad

About The Author