پشتی دەربازبوونا ساڵەکێ ب سەر ژکار ئێخستنا پەرلەمانێ کوردستانێ فراکسیۆنێن پەرلەمانی د بەیاننامەیێن جودا جودا دا رادگەھینن , ژکار ئێخستنا پەرلەمانی ژلایێ پارتا دیموکراتا کوردستانێ ڤە رەوشا وەڵاتیان و مووچەخۆران بەرەڤ خراپتر چوویە .
فراکسیۆنا گوران ل پەرلەمانێ کوردستانێ دبەیاننامەکێ دا رادگەھینیت رۆژ١ ١٢ ی ئۆکتۆبەرێ ژبلی کودەتایێ چ پێناسەکادی ھەلناگریت و دوێ رۆژێ دا یاسا و دیموکراسی ل ھەرێما کوردستانێ ھاتە کرێت کرن و پارتی ب بریارەکا حزبی ڕێگری کر ل سەرۆکێ پەرلەمانی, و وەزیرێن بزاڤا گوران د حکومەتێ دویر ئێخستن.
ھەروەسا فراکسیۆنا یەکگرتوویا ئیسلامی ل پەرلەمانێ کوردستانێ دراگەھاندنەکێ دا دبێژیت : ژکار ئێخستنا پەرلەمانی ئێکە ژ رویدانێن تاڵ و گەلێ مە باجا وێ ددەت .
فراکسیۆنا یەکگرتوو داخازێ ژ ھەمی لایەنێن سیاسی دکەت کو دەستپێشخەربن بۆ ئەکتیڤ کرن و دەستپێکرنا روینشتنێن پەرلەمانی و دوماھیک ئینانێ ب رەوشا نوکە و قەیرانا سیاسی و ئابوری ھەرێما کوردستانێ .
فراکسیۆنا کومەڵا ئیسلارمی ژی ل پەرلەمانێ کوردستانێ راگەھاند : ئەوا کو ل سەر پەرلەمانی ھاتیە ئەنجام دان کودەتا بوو ب سەر شەرعیەتێ دا و داخازێ ژی دکەت ھەمی لایەن ئێک دەنگ و ئێک رێز بن .
فراکسیۆنا کومەڵا ئیسلامی دبەیاننامەکێ دا رادگەھینیت : مخابن پشتی ژکار ئێخستنا پەرلەمانی رەوشا خەلکێ و مووچەخۆران بەرەڤ خراپتر دچیت دبن سیبەرا حکومەتەکا نە شەفاف دا .
فراکسیۆنا بزاڤا ئیسلامی ژی دساڵرۆژا ژ کارێخستنا پەرلەمانێ کوردستانێ دا دبەیاننامەکێ دا راگەھاندیە : پشتی دەربازبوونا ساڵەکێ ب سەر شەرعی ترین سازیا ڤی وەڵاتی کو پەرلەمانێ کوردستانێ یە , ھەتا نوکە ئیرادەک ناھێتە دیتن ژلایێ حزبان ڤە ب کاراکرنا پەرلەمانی .
فراکسیۆنا بزاڤا ئیسلامی دبێژیت ژی : ژوی دەمی وەرە کو پەرلەمان ھاتیە ژکار ئێخستن رەوشا وەڵاتیان و مووچەخۆران خراپتر لێ ھاتیە .

perlaman

About The Author