%d9%85%d8%b3%d8%b9%d9%88%d8%af-%d8%ad%d9%8a%d8%af%d8%b1-masoud-hayder

ل ڤان نێزیکان لیژنا دویڤچوونێ بۆ مووچەیێ فەرمانبەرێن ھەرێما کوردستانێ دێ کۆم بیت ، کو ژلایێ پەرلەمانێ عیراقێ ڤە ھاتیە پێکئینان ، ئەندامەکێ وێ لیژنێ ژی دبێژیت: ب دیتنا مە پێدڤیە رێباز حەملان و ئاشتی ھەورامی بھێنە گازی کرن بۆ لیژنێ .

مەسعود حەیدەر ، ئەندامێ لیژنا دویڤچوونێ بۆ مووچەیێ فەرمانبەرێن ھەرێمێ ل جڤاتا نوێنەران ڕاگەھاند: ئەس ھاتیمە ڕاسپاردن ھەماھەنگیێ بۆ کۆمبوونا لیژنێ بکەم ، بڕیارە د دەمێ حەفتیەکیدا ئەو کۆمبوونە بھێتە کرن ، ئەڤجا ل بەغدا بیت یان ل ھەر باژێرەکێ دیێ عیراقێ .

ئاماژە ب وێ چەندێ ژی کر: دوێ کۆمبوونێ میکانیزما کارکرنا لیژنێ دێ ھێتە دانان و بڕیار لسەر ھێتە دان ، پاشان پێنگاڤێن لیژنێ دێ دەستپێکەن .

دەربارێ پێنگاڤا ئێکێ یا لیژنێ ، مەسعود حەیدەر گووت: ب دیتنا مـە پێدڤیە ئێکەم جار سەرۆکێ لیژنا دارایی و سەرۆکێ لیژنا پیشەسازی و وزە لل پەرلەمانێ کوردستانێ بھێنە گازی کرن ، پاشان رێباز حەملان ، وەزیرێ دارایی و ئاشتی ھەورامی ، وەزیرێ سامانێن سرۆشتی بھێنە گازی کرن . بۆ وەرگرتنا زانیارییان .

About The Author