نوكه  noke

د ئەنجامێ تەقینەکێ دا ل شەمزینان ٨ سەربازێن سوپایێ تورکیا هاتنە کوشتن و ٥ سەربازێن دی ژی برینداربوون.

 ئاژانسا نووچەیێن رۆیتەرز ئەڤرۆ ٩ێ تەشرینا ئێکەم یا ٢٠١٦ێ ژ زارێ ژێدەرەکێ ئەمنی یێ تورکیا بەلاڤکریە، ترۆمبێلەکا بۆمبەکری ل نێزیک بنگەهەکێ پۆلیسان ل باژێرێ شەمزینان تەقیا و د ئەنجامدا ٨ سەرباز هاتنە کوشتن.

هەروەسا ئاماژە ب وێ ئێکێ ژی کریە، هەر ژبەر وێ تەقینێ ٥ سەرباز ژی بریندار بوونە.

پشترا تورکیا هێزێن پارتیا کارکەرێن کوردستانێ پەکەکە ب ئەنجامدانا وێ تەقینێ تۆمەتبارکر، لێ هەیا نها پەکەکێ چ رونکرنەک ل سەر وێ رویدانێ بەلاڤ نەکریە.

شەڤا ٢٤ێ تەمووزا ٢٠١٥ێ و هەڤدەم دگەل سالرۆژا مورکرنا رێکەفتننامەیا لۆزان دا، ٨٥ فرۆکەیێن جەنگیێن تورکیا هێرشی سەر بنگەهـ و بارەگەهێن پەکەکێ کرن، ژ وی دەمی پرۆسەیا ئاشتیێ ل باکوورێ کوردستانێ ب داوی هاتییە و هەیا نها چەندین شەر و پەڤچوون د ناڤبەرا پەکەکێ و هێزێن سوپایێ تورکیا دا ل دەڤەرێن جودا جودا یێن باکوورێ کوردستانێ رویدانە.

About The Author