چەند رۆژان بەری نـھا و ل رۆژا ٥ی چریا ئێكێ ٢٠١٦ ، جۆ بایدن ، جێگرێ سەرۆکێ ئەمریکا پەیوەندیەکا تێلەفونی دگەل مەسعود بارزانی ئەنجامـدا ، ئاژانسەکا جیھانی ژی ڕاستیەکا وێ پەیوەندیێ ئاشکرا دکەت . ئاژانسا (ئەلمۆنیتۆر) راپورتەک دەربارێ ھەبوونا ھێزێن تورکیا ل عیراقێ و پەیوەندیێن دناڤبەرا ھەردوو وەڵاتان بەڵاڤکریە ، ب تایبەتی پشتی ل چەند رۆژێن بووری گرژی و ئاڵوزیێن زۆر کەفتینە دناڤبەرا بەغدا و ئەنقەرە . ئەو ئاژانسە دبێژیت: دوێ پەیوەندییا تێلەفونیدا ، جۆ بایدن داخاز ژ بارزانی کریە کو داخویانیێن بەرپرسێن تورکیا ب فەرمی ب درەو دەربێخیت ، کو دبێژن: لسەر داخازا سەرۆکاتیا ھەرێمێ و مەسعود بارزانی ھاتینە دەڤەرا باشیک . ئەوژی پشتی وێ چەندێ ھات ، کو نوعمان کۆرتولموش ئۆغلۆ ، جێگرێ سەرۆک وەزیرێن تورکیا ئاماژە ب وێ چەندێ کر: لسەر داخازا مەسعود بارزانی ھاتینە دەڤەرا باشیک ل باکوورێ باژێرێ مووسڵ . ئەڤ داخازیا جۆ بایدن ، جێگرێ سەرۆکێ ئەمریکا ژ بارزانی ، ب فەرمی ل ڕاگەھاندنا کۆچکا سپی ھاتیە بەڵاڤکرن و تێدا ھاتیە: بایدن و بارزانی تەئکید لسەر وێ چەندێ کریە ، کو ل ھەمی ئوپەراسیونێن سەربازی ل عیراقێ ، پێدڤیە رێز ل ئێکپارچەیی و سەروەریا ئاخا عیراقێ بھێتە گرتن .

U.S. Vice President Joe Biden listens during a news conference in Vilnius March 19, 2014. REUTERS/Ints Kalnins (LITHUANIA - Tags: POLITICS)

About The Author