gorran

بزاڤا گوران ھەڵوێستێ خۆ دەربارێ نڤیسارەکا وەزارەتا ناڤخۆیا حکومەتا ھەرێما کوردستانێ راگەھاند کو دبێژیت : ھەتا نوکە دکتور ئاسو فرەیدون پارێزگارێ سلێمانیێ یە و دان پێدانێ ب نڤیسارێن سەردار قادر پارێزگارێ سلێمانیێ ب وەکالەت ناکەت , گوران دبێژیت ئەو کریارا وەزارەتا ناڤخۆ جھێ قەبول کرنێ نینە .
دوێ نڤیسارێ دا کو وەزارەتا ناڤخۆیا حکومەتا ھەرێما کوردستانێ بەلاڤ کریە , تێدا ھاتیە رازی نینە ب فەرمانێن سەردار قادر پارێزگارێ سلێمانیێ ب وەکالەت , دبێژیت ژی ھەتا نوکە دکتور ئاسو فرەیدون پارێزگارێ سلێمانیێ یە .
لدور ڤێ چەندێ شورەش حاجی پەیڤدارێ بزاڤا گوران راگەھاند : رێککەڤتنەکا سیاسی دناڤبەرا (ی.ن.ک ) و بزاڤا گوران دایە و جڤاتا پارێزگەھێ ژی بریارا خۆ لدور ڤێ چەندێ دایە و ئەم ژی درژدین ل سەر بجە ئینانا وێ رێککەڤتنێ و دڤێت دنوکە دا پۆستێ پارێزگاری ل دەف بزاڤا گوران بیت , لێ ژبەر ھندەک ئاریشێن یاسایی وان بخۆ پێشنیار کریە کو سەردار قادر بۆ ماوەیەکێ ب وەکالەت پارێزگار بیت .

و دەربارێ وێ نڤیسارێ ژی گوت : وەزارەتا ناڤخۆ یا حکومەتا ھەرێمێ بۆچی بەحسا لایەنێ یاسایی یێ پۆستێ پارێزگارێ سلێمانیێ دکەت , ل دەمەکێ رێککەڤتن ھاتیە کرن , بۆچی بەحسا وێ چەندێ ناکەت کو ماوێ یاسایی یێ مەسعود بارزانی ب سەرڤە چوویە و ھەتا خۆ دەمێ درێژکرنا سەرۆکایەتیا وی ژی ژ لایێ یاسایی ڤە ب سەرڤە چوویە .

About The Author